இணைத் தலைவர்கள் நியமனம்

எம்.எஸ்.எம்.நூர்தீன், எப்.முபாரக் 

மாட்டக்களப்பு மாவட்டத்திலுள்ள மூன்று பிரதேச செயலாளர் பிரிவுகளுக்கான பிரதேச அபிவிருத்திக் குழுக்களுக்கு, புதிய இணைத் தலைவர்கள், ஜனாதிபதி மைத்திரிபால சிறிசேனவால் நியமிக்கப்பட்டுள்ளனர்.

அந்தவகையில், கோரளைப்பற்று மேற்கு பிரதேச செயலக அபிவிருத்திக் குழு இணைத்தலைவராக, ஸ்ரீ லங்கா சுதந்திரக் கட்சியின் வாழைச்சேனை அமைப்பாளர் மீரா சாஹிம் ஹாரூன் நியமிக்கப்பட்டுள்ளார்.

மண்முனை தென்மேற்கு பிரதேச செயலக அபிவிருத்திக் குழு, போரதீவுப்பற்று பிரதேச செயலக அபிவிருத்திக் குழு ஆகியவற்றின் இணைத் தலைவராக, ஸ்ரீ லங்கா சுதந்திரக் கட்சியின் போரதீவுப்பற்று அமைப்பாளர் தவஜானசூரியம் நியமிக்கப்பட்டுள்ளார்.