இலவச வைத்திய முகாம்

ஏறாவூர் கூட்டுறவு வைத்தியசாலையின் 8ஆவது ஆண்டு நிறைவையொட்டி, பொதுமக்களுக்கான இலவச வைத்திய முகாமொன்றை ஏற்பாடு செய்துள்ளதாக, ஏறாவூர் பலநோக்குக் கூட்டுறவுச் சங்கப் பொது முகாமையாளர் எம்.எல். அப்துல் லத்தீப் தெரிவித்தார்.

இந்த இலவச வைத்திய சேவைகள், ஏறாவூர் கூட்டுறவு வைத்தியசாலையில் எதிர்வரும் ஞாயிற்றுக்கிழமை (23) காலை 7 மணி தொடக்கம் பிற்பகல் 1 மணி வரை இடம்பெறவுள்ளன.

இரத்தத்தில் சீனியின் அளவு (FBS), நிறை - உயரம் (BMI), இரத்த அழுத்தம், ஈ.சி.ஜி பரிசோதனை என்பனவற்றுடன், விசேட வைத்திய நிபுணர்களின் ஆலோசனை, நீரிழிவு நோய்க்கான மருந்துகள், நீரிழிவு நோயாளர்களுக்கு வழிகாட்டல் கைநூல் போன்றவை, 100 சதவீதம் இலவசமாக வழங்கப்படும் என்றும் அறிவிக்கப்பட்டுள்ளது.

இச்சேவைகளைப் பெற்றுக்கொள்ள விரும்புபவர்கள், நேரடியாகவோ அல்லது 0777230125, 0652241389, 0652240808 ஆகிய இலக்கங்களினூடாகவோ தொடர்புகொண்டு, முற்கூட்டிய பதிவுகளைச் செய்துகொள்ளுமாறு கேட்டுக்கொள்ளப்பட்டுள்ளது.