இஸ்லாமிய எழுச்சி மாநாடு

மட்டக்களப்பு மாவட்டத்தில், மாபெரும் இஸ்லாமிய எழுச்சி மாநாடு, ஓட்டமாவடி மாஞ்சோலை, ஹிழ்ரிய்யா ஜும்ஆ மஸ்ஜித்தில் நாளை மறுதினம் (22) மாலை 4 மணி தொடக்கம் இரவு 9.30 மணிவரை நடைபெறவுள்ளதாக, ராபிதா அமைப்பு தெரிவித்துள்ளது.

இந்நிகழ்வில் ஆர்வமுள்ளவர்களைக் கலந்து கொள்ளுமாறு பொது அறிவித்தல் விடுத்துள்ளதாகவும் அந்த அமைப்புக் கூறியுள்ளது.

சமகால முஸ்லிம் உலகில் எதிர்நோக்கப்படும் விவகாரங்கள், இஸ்லாமிய கொள்கை விளக்கங்கள், சகவாழ்வும் பண்பாட்டு விழுமியங்கள் உள்ளிட்ட இன்னும் பல விவகாரங்கள்,  இந்த எழுச்சி மாநாட்டில் எடுத்தாளப்படும் என்று, ஏற்பாட்டுக் குழு தெரிவித்துள்ளது.