ஊழியர்கள் தற்காலிக இடைநிறுத்தம்

காத்தான்குடி, நகர சபையில் தற்காலிக ஊழியர்களாகக் கடமையாற்றிய 62 பேரை, 01.07.2018ஆம் திகதியிலிருந்து வேலையிலிருந்து தற்காலிகமாக இடைநிறுத்தியுள்ளதாக காத்தான்குடி நகர சபைத் தவிசாளர் எஸ்.எச்.எ அஸ்பர் தெரிவித்தார்.

இந்த ஊழியர்களுக்காக கிழக்கு மாகாண ஆளுனரால் வழங்கப்பட்ட அனுமதி 30.6.2018ஆம் திகதியுடன் முடிவடைந்துள்ளது.

மீண்டும் இவர்களை வேலைக்கமர்த்துவதற்கான அனுமதி கிடைக்கும் வரைக்கும் இவர்கள் இடைநிறுத்தப்பட்டுள்ளனர்.

இதேவேளை, தேவையேற்படின், அதில் சில ஊழியர்களை கடமைக் கேற்ப சேர்த்துக் கொள்வதற்கு நகர சபைத் தவிசாளருக்கு சபை உறுப்பினர்கள் அனுமதி வழங்கியுள்ளார்கள் எனவும் அவர் தெரிவித்தார்.