எரிபொருள் விலையேற்றத்துக்கு எதிராக பிரதேசமெங்கும் பிரசுரங்கள்

அரசாங்கத்தால் அண்மையில் அதிகரிக்கப்பட்ட எரிபொருள்களுக்கான விலையை உடனடியாகக் குறைக்குமாறு கோரும் சுவரொட்டிகள், மட்டக்களப்பு மாவட்ட நகர பிரதேசங்கள், கிராமப் புறங்கள் எங்கும், இன்று (14) அதிகாலை முதல் பரவலாக ஒட்டப்பட்டுள்ளன.

மக்கள் விடுதலை முன்னணி என்று உரிமை கோரப்பட்டுள்ள அந்தப் பிரசுரத்தில், “எரிபொருள்களுக்காக அநீதியான முறையில் உயர்த்தப்பட்ட விலையை உடனடியாகக் குறைத்து விடு” என்று அரசாங்கத்தைக் கோரும் வாசகங்கள் எழுதப்பட்டுள்ளன.

குறிப்பாக, ஜனாதிபதி கையை உயர்த்தி மக்களுக்கு சுபசோபனம் கூறும் மட்டக்களப்பு மேதின அழைப்பு சுவரொட்டிகளின் கீழேயும் மேலேயும், இந்தச்சுவெரொட்டிகள் ஒட்டப்பட்டுள்ளமை, மக்களின் கவனத்தை ஈர்த்துள்ளது.