ஐயங்கேணி பொதுமயான வீதியை புனரமைக்க ஏற்பாடு

-பேரின்பராஜா சபேஷ்
 
ஏறாவூர்ப்பற்று பிரதேச சபைக்குட்பட்ட ஐயங்கேணி பொதுமயான வீதி உலக வங்கியின் நெல்சிப் திட்டத்தின் 5.5 மில்லியன் ரூபாய் நிதியில் கொங்கிறீட் வீதியாக புனரமைக்கப்படவுள்ளதாக அப்பிரதேச சபைச் செயலாளர் திருமதி குமுதா ஜோன்பிள்ளே தெரிவித்தார்.

மேலும், கிழக்கு மாகாணசபை உறுப்பினர்களின் பன்முகப்படுத்தப்பட்ட நிதியொதுக்கீட்டில், ஏறாவூர்ப்பற்று பிரதேச சபைக்குட்பட்ட 19 கிராமிய வீதிகள் சுமார் 15 இலட்சம் ரூபாய் செலவில் கிறவல் இட்டு செப்பனிடும் வேலைகள்  முன்னெடுக்கப்பட்டுள்ளன.  இவற்றில் பெரும்பாலான வீதிகளின் புனரமைப்பு வேலைகள் முடிவந்துள்ளன. மழை வெள்ளம் காரணமாக சில வீதிகளின் புனரமைப்பு வேலைகள் தடைப்பட்டுள்ளன.
 
களுவன்கேணி பொது விளையாட்டு மைதானத்தைச் செப்பனிடும் வேலையும் ஆரம்பிக்கப்பட்டுள்ளதாகவும் அவர் கூறினார்.