கடற்படை வீரர்கள் ஐவருக்கு கொரோனா

கனகராசா சரவணன்

மட்டக்களப்பு, கல்லடி கடற்படை முகாமில் 5 கடற்படை வீரர்களுக்கு கொரோனா வைரஸ் தொற்று உறுதிப்படுத்தப்பட்டுள்ளதாக, மட்டக்களப்பு பிராந்திய சுகாதார சேவைகள் பணிப்பாளர் வைத்தியர் நாகலிங்கம் மயூரன் தெரிவித்தார்.

மட்டக்களப்பு மாவட்டத்தில் தொடர்ந்து பிசிஆர் பரிசோதனை முன்னெடுத்துவரும் நிலையில், கல்லடி கடற்படை முகாமைச் சேர்ந்த குறித்த 5 வீரர்களுக்கும் முன்னெடுக்கப்பட்ட  பி.சி.ஆர் பரிசோதனையில் நேற்று (14) அவர்களுக்கு கொரோனா வைரஸ் தொற்று உறுதிப்படுத்தப்பட்டுள்ளது. 

இதேவேளை, மட்டக்களப்பு மாவட்டத்தில் இதுவரை 812 கொரோனா வைரஸ் தொற்றாளர் கண்டுபிடிக்கப்பட்டுள்ளதுடன், 8 மரணங்கள் இடம்பெற்றுள்ளதுடன், 731 பேர் குணமடைந்து வீடுகளுக்கு திரும்பியுள்ளதுடன், 73 பேர் தொடர்ந்தும் வைத்தியசாலையில் தங்கியிருந்து சிகிச்சை பெற்று வருகின்றனர்.