கொவிட்-19 தடுப்பு முகாமிலிருந்து 34 பேர் குடும்பங்களுடன் இணைவு

மட்டக்களப்பு, வாகரை பிரதேச செயலாளர் பிரிவிலுள்ள பனிச்சம்கேணி கொவிட்-19 தடுப்பு முகாமில், கடந்த 14 நாள்களாக மருத்துவக் கண்காணிப்பில் வைக்கப்பட்டவர்கள், தொற்று இல்லாத நிலையில், அவர்களை அவர்களது குடும்பத்தாருடன் இணைக்கும் பணி இன்று (25) நடைபெற்றது.

இராணுவத்தினரின் பஸ் மூலமாக, பனிச்சம்கேணி கொவிட்-19 தடுப்பு முகாமில் இருந்து, ஒரு பஸ் மூலமாக 34 பேரும் இன்று காலை 07.00 மணியளவில் நீர்கொழும்பு, கொழும்பு போன்ற பிரதேசங்களுக்கு, பொலிஸ் பாதுகாப்புடன் இராணுவத்தினர் அழைத்து சென்றுள்ளனர்.

பணிச்சங்கேணி கொவிட் -19 தடுப்பு முகாமில் தங்கவைக்கப்பட்டிருந்த 38 பேரில் 34 பேர் இன்று விடுவிக்கப்பட்டதுடன், மீதமாக இருந்த நான்கு பேரும் புனானை தடுப்பு முகாமுக்கு மாற்றப்பட்டுள்ளனர்.