கிழக்குப் பிராந்தியத்துக்கு புதிய சிரேஷ்ட பிரதிப் பொலிஸ் மா அதிபர்

-வா.கிருஸ்ணா

கிழக்குப் பிராந்திய சிரேஷ்ட பிரதிப் பொலிஸ் மா அதிபராக நியமிக்கப்பட்ட சுமித் எதிரிசிங்க இன்று திங்கட்கிழமை கடமையைப் பொறுப்பேற்றுக்கொண்டார்.

இந்நிலையில், இவருக்கு மட்டக்களப்பு சிரேஷ்ட பொலிஸ் அத்தியட்சகர் காரியாலயத்தில் மட்டக்களப்பு மாவட்ட பிரதிப் பொலிஸ் மா அதிபரினால் வரவேற்பு அளிக்கப்பட்டுள்ளது. இதன்போது, பொலிஸ் அணிவகுப்பு மரியாதை நடைபெற்றது.
இதுவரைகாலமும் மாத்தறையில் பிரதிப் பொலிஸ் மா அதிபராக இவர் கடமையாற்றி வந்தார்.

இதேவேளை, கிழக்குப் பிராந்திய சிரேஷ்ட பிரதிப் பொலிஸ் மா அதிபராக கடமையாற்றிவந்த எல்.ஏ.ஜயசிங்க கண்டிக்கு இடமாற்றம் செய்யப்பட்டுள்ளார்.