மட்டு. மத்தி கல்வி வலயத்தில் 33 பாடசாலைகளுக்கு கணினிகள்

-எம்.எஸ்.எம்.நூர்தீன்,ஏ.எச்.ஏ.ஹுஸைன்

மட்டக்களப்பு மத்தி கல்வி வலயத்திலுள்ள 33 பாடசாலைகளுக்கு 63 கணினிகள் வழங்குவதற்கு நடவடிக்கை எடுக்கப்பட்டுள்ளதாக கிழக்கு மாகாண முதலமைச்சரின் இணைப்புச் செயலாளர் எம்.ஐ.நாசர் தெரிவித்தார்.

கிழக்கு மாகாண முதலமைச்சர் செய்னுலாப்தீன் நஸீர் அஹமட்டின்; இந்த வருட மாகாண சபை நிதி ஒதுக்கீட்டின் கீழ், கணினிகள் வழங்குவதற்கு நடவடிக்கை எடுக்கப்பட்டுள்ளது.

இந்நிலையில், கோறளைப்பற்று மேற்குக் கல்விக் கோட்டத்திலுள்ள 11 பாடசாலைகளுக்கு 24 கணினிகளும் காத்தான்குடிக் கல்விக் கோட்டத்திலுள்ள 13 பாடசாலைகளுக்கு 22 கணினிகளும் ஏறாவூர் கல்விக் கோட்டத்திலுள்ள 9 பாடசாலைகளுக்கு 17 கணணிளும் வழங்கப்படவுள்ளதாகவும் அவர் கூறினார்.