மணல் ஏற்றிச்சென்ற இருவர் கைது

மட்டக்களப்பு - காத்தான்குடி பொலிஸ் பிரிவில், நேற்று (27) மாலை, சட்டவிரோதமாக மணல் ஏற்றிச் சென்ற லொறிகளின் சாரதிகள் இருவரை, காத்தான்குடி பொலிஸார் கைதுசெய்துள்ளனர்.

மணல் ஏற்றுவதற்கான அனுமதிப்பத்திரம் அவர்களிடம் இருக்கவில்லை என்று தெரிவித்த பொலிஸார், மணல் ஏற்றிச் சென்ற இரண்டு லொறிகளையும் பறிமுதல் செய்துள்ளனர். சம்பவம் தொடர்பில், மேலதிக விசாரணைகளை ​மேற்கொண்டு வருவதாக, காத்தான்குடி பொலிஸார் மேலும் தெரிவித்தனர்.