மதுபானப் போத்தல்களுடன் சென்றவருக்கு அபராதம்

-வா.கிருஸ்ணா

25 மதுபானப் போத்தல்களைக் கொண்டுசென்ற குற்றச்சாட்டின் பேரில் கைதுசெய்யப்பட்ட ஒருவருக்கு 10 ஆயிரம் ரூபாய் அபராதமாக களுவாஞ்சிக்குடி நீதிவான் நீதிமன்ற நீதவான் எம்.றிஸ்வான் நேற்றுத் திங்கட்கிழமை விதித்தார்.  

வெசாக் தினத்தையிட்டு மட்டக்களப்பு மாவட்ட மதுவரித் திணைக்களம் மேற்கொண்ட திடீர்ச் சோதனையின்போது, கடந்த சனிக்கிழமை இவர் 25 மதுபானப் போத்தல்களுடன் கைதுசெய்யப்பட்டார்.

வெசாக் தினத்தில் மதுபான நிலையங்கள் பூட்டப்பட்டு மதுபான விற்பனைகள் நிறுத்தப்பட்ட  நிலையில் சட்டவிரோத விற்பனைக்காக கொண்டுசெல்லப்பட்ட குறித்த மதுபானப் போத்தல்கள் கைப்பற்றப்பட்டதுடன், சந்தேக நபரும் கைதுசெய்யப்பட்டதாக மட்டக்களப்பு மாவட்ட மதுவரித் திணைக்கள பொறுப்பதிகாரி எஸ்.தங்கராஜா தெரிவித்தார்.