மதுபானம் விற்ற இருவர் கைது

-வா.கிருஸ்ணா

மட்டக்களப்பு, வெல்லாவெளி பொலிஸ் பிரிவிலுள்ள மண்டூர் கந்தசுவாமி கோவில் மகோற்சவ காலத்தில் அக்கோவிலுக்கு அருகில் மதுபான விற்பனையில் ஈடுபட்டதாகக்  கூறப்படும் இரண்டு பேரை சனிக்கிழமை (29) கைதுசெய்ததாக பொலிஸார் தெரிவித்தனர்.

இந்தக் கோவிலை சூழவுள்ள பகுதியில் வெள்ளி (28), சனிக்கிழமைமைகளில் (29) சோதனை மேற்கொள்ளப்பட்டது.

இதன்போது, மதுபானப்  போத்தல்களை பதுக்கிவைத்திருந்ததாகக் கூறப்படும்  இவர்களை கைதுசெய்தாகவும் பொலிஸார் கூறினர்.

இந்த சந்தேக நபர்களிடமிருந்து 13 மதுபானப் போத்தல்களையும் 10 பியர் டின்களையும் கைபற்றியதாகவும் பொலிஸார் கூறினர்.