மயானத்தில் சிறுமி துஷ்பிரயோகம்; குடும்பஸ்தர் கைது

-ஏ.எச்.ஏ. ஹுஸைன் 

15 வயதுடைய சிறுமியை துஷ்பிரயோகம் செய்தார் என்று பெற்றோர் செய்த முறைப்பாட்டின் அடிப்படையில் நேற்று திங்கட்கிழமை (21) இரவு குடும்பஸ்தர் ஒருவரை, சந்தேகத்தின் பேரில் கைது செய்துள்ளதாக மட்டக்களப்பு, ஏறாவூர் பொலிஸார் தெரிவித்தனர்.

முறக்கொட்டான்சேனையைச் சேர்ந்த ஆறுமுகம் நிர்மலராஜ் (வயது 32) என்பவரே இவ்வாறு கைது செய்யப்பட்டுள்ளார்.

சந்தேகநபர், மேற்படி சிறுமியை முறக்கொட்டான்சேனைப் பகுதியிலுள்ள மயானத்தில் வைத்து துஷ்பிரயோகம் செய்ததாக முறைப்பாட்டில் தெரிவிக்கப்பட்டுள்ளது. 

துஷ்பிரயோகத்துக்குட்படுத்தப்பட்ட சிறுமி, மட்டக்களப்பு போதனா வைத்தியசாலையில் பரிசோதனைக்காக அனுமதிக்கப்பட்டுள்ளதாக பொலிஸார் தெரிவித்தனர்.

இச்சம்பவம் தொடர்பான மேலதிக விசாரணைகளை ஏறாவூர் பொலிஸார் மேற்கொண்டு வருகின்றனர்.