முன்னாள் அரசாங்க அதிபர் காலமானார்

-எஸ்.பாக்கியநாதன்

மட்டக்களப்பு மாவட்டத்தின் முன்னாள் அரசாங்க அதிபர் ஏ.கே.பத்மநாதன் தனது 81ஆவது வயதில்  இன்று புதன்கிழமை காலை  கல்லடியிலுள்ள அவரது இல்லத்தில் காலமானார்.

ஆரம்பத்தில் தேசிய வீடமைப்பு அதிகாரசபையில் மாவட்ட முகாமையாளராகவும் மண்முனை வடக்கு பிரதேச செயலாளராகவும் கிழக்கு மாகாணசபையின் முன்னாள் செயலாளராகவும் அரசாங்கத்துறைகளில் இவர் பதவி வகித்திருந்தார். அத்துடன், ரோட்டறிக்கழகத்தின் முன்னாள் தலைவராகவும் புற்றுநோய்ச்சங்கத்தில் நிர்வாக உத்தியோகஸ்தராகவும் பொதுப்பணிகளிலும் இவர்  கடமையாற்றியுள்ளார்.

இவரது இறுதிக்கிரியை நாளை வியாழக்கிழமை  மாலை கல்லடியிலுள்ள அன்னாரது இல்லத்தில் நடைபெறவுள்ளதாக உறவினர்கள் தெரிவித்தனர்.