விற்பனை நிலையத்தில் தீ

மட்டக்களப்பு, செங்கலடி - பதுளை வீதியில் உள்ள பலசரக்கு விற்பனை நிலையமொன்றில் இன்று (08) நண்பகல் ஏற்பட்ட திடீர் தீ, பிரதேசத்தில் இருந்தவர்களால் கட்டுப்பாட்டின் கீழ் கொண்டுவரப்பட்டுள்ளது.

இதன்போது பெருமளவான பொருட்கள் தீயில் கருகியுள்ளனவெனவும், இது தொடர்பில் ஏறாவூர்ப் பொலிஸாருக்கு அறிவிக்கப்பட்டுள்ளதெனவும், அப்பகுதியைச் சேர்ந்தவர்கள் தெரிவித்தனர்.

மூடியிருந்த கடையிலேயே, இந்தத் தீச்சம்பவம் இடம்பெற்றுள்ளதெனவும், குறித்த சம்பவம் எவ்வாறு இடம்பெற்றது என்பது குறித்துத் தெரியவரவில்லையெனவும், சம்பவத்தை நேரில் கண்டவர்கள் தெரிவித்தனர்.