‘ஒடுக்கப்பட்ட சிறுபான்மையினருக்காக போராடுவோம்’

-ஏ.எச்.ஏ.ஹுஸைன், பேரின்பராஜா சபேஷ்

‘ஒடுக்கப்பட்ட சிறுபான்மைச் சமூகங்களுக்காகப் போராட, நாம் திடசங்கற்பம் கொள்வோம். யாரும் எவருக்கும் அநீதி இழைப்பதற்கு நாம் இடமளிக்க மாட்டோம்.

ஏனென்றால், அநீதியால் நாங்கள் கூடுதலாகப் பாதிக்கப்பட்டிருக்கிறோம்” என, எதிர்க்கட்சித் தலைவரும் தமிழ்த் தேசியக் கூட்டமைப்பின் தலைவருமான இரா. சம்பந்தன் தெரிவித்தார். 

மட்டக்களப்பு - பதுளை வீதி கரடியனாறில் நிர்மாணிக்கப்படவுள்ள விவசாய சேவைக்கால பயிற்சி நிலையத்துக்கான அடிக்கல்லை, நேற்றுத் திங்கட்கிழமை (24) நாட்டி வைத்த பின்னர் உரையாற்றியபோதே அவர் மேற்கண்டவாறு தெரிவித்தார்.