மண்முனை தென்னெருவில்பற்றில் 280 அபிவிருத்தித் திட்டங்கள்

-வடிவேல் சக்திவேல்  

மண்முனை தென்னெருவில்பற்றுப் பிரதேசத்தில் கடந்த வருடம் 280  அபிவிருத்தித் திட்டங்கள்  மேற்கொள்ளப்பட்டதாக அப்பிரதேச செயலாளர் எம்.கோபாலரெத்தினம் தெரிவித்தார்.

இந்த அபிவிருத்தித் திட்டங்களுக்காக 136.283 மில்லியன் ரூபாய்  நிதி ஒதுக்கீடு செய்யப்பட்டது.

இந்த நிதியை உரிய முறையில் பயன்படுத்தி, அபிவிருத்தித் திட்டங்களை கடந்த டிசெம்பர் 31ஆம் திகதிக்கு முன்னராகப் பூர்த்தி செய்யப்பட்டதாகவும் அவர் கூறினார்.

வாழ்வாதார மேம்பாட்டு அபிவிருத்தித் திட்டம், கிராமிய உட்கட்டமைப்பு வேலைத்திட்டம், போஷாக்கு வேலைத்திட்டம், திவிநெகும வேலைத்திட்டம், அனர்த்த முகாமைத்துவ வேலைத்திட்டம் உள்ளிட்ட அபிவிருத்தித் திட்டங்கள் முன்னெடுக்கப்பட்டதாகவும் அவர் கூறினார்.