மருதங்குடலை வீதி பாலத்தை சீரமைக்குமாறு கோரிக்கை

(ஜவீந்திரா)

மட்டக்களப்பு மாவட்டத்தின் போரதீவுப்பற்று பிரதேச செயலாளர் பிரிவுக்குட்பட்ட மருதங்குடலை வீதியில் அமைந்துள்ள பாலம் இதுவரையில் திருத்தப்படாமையினால் இவ்வீதியைப் பயன்படுத்துவோர் பலத்த சிரமங்களை எதிர்கொண்டு வருவதாக பிரதேசவாசிகள் விசனம் தெரிவிக்கின்றனர்.

கடந்த 2010ஆம் ஆண்டு இப்பகுதியில் ஏற்பட்ட பாரிய வெள்ளம் காரணமாக சேதமடைந்த இப்பாலம், தற்போது வரை திருத்தப்படாமல் இருப்பதனால் இவ்வீதியை தினமும் பயன்படுத்திவரும் காக்காச்சுவட்டை, ஆனைகட்டியவெளி, சின்னவத்தை,
பலாச்சோலை, போன்ற கிராமங்களிலுள்ள மக்கள் போக்குவரத்து கஸ்டங்களை எதிர்கொண்டு வருவதாகவும் அம்மக்கள் குறிப்பிடுகின்றனர்.