பராமரிப்பு வேலைகளுக்காக மட்டக்களப்பில் மின்வெட்டு

 

மின்சார சபையின் பராமரிப்பு வேலைகள் காரணமாக மட்டக்களப்பு பிரதேசங்களில், செவ்வாய்க்கிழமை (04) முதல் மின் வெட்டு அமுல்படுத்தப்படவுள்ளதாக மட்டக்களப்பு பிரதேச மின் பொறியியலாளர் தெரிவித்தார்.

 

இதன்படி, செவ்வாய்க்கிழமை (04) காலை 9.00 மணி முதல் மாலை 7.00 மணி வரை விமானப்படைத்தளப் பகுதி, சேற்றுக்குடா, வீச்சுக்கல்முனை, திமிலதீவு  மற்றும்  புதூர் ஆகிய பகுதிகளில் மின்னெட்டு அமுல்படுத்தப்படவுள்ளது.

 

எதிர்வரும் புதன்கிழமை (05) காலை 9.00 மணி முதல் மாலை 7.00 வரை   மாவடிவேம்பு பகுதி முழுவதும் வெள்ளிக்கிழமை (07) காலை 9.00 மணி முதல் மாலை  7.00 மணி வரை கிண்ணையடி பகுதி முழுவதிலும் சனிக்கிழமை காலை 9.00 மணி முதல் மாலை 7.00  மணி வரை பஸ் தரிப்பு நிலையப் பகுதி, வாவிக்கரை-1, விமானப்படைத்தளப் பகுதி, சேற்றுக்குடா, வீச்சுக்கல்முனை, திமிலதீவு,  புதூர் மற்றும்  வவுணதீவு ஆகிய இடங்களிலும் மின்வெட்டு அமுல் படுத்தப்படவுள்ளதாக அவர் மேலும் தெரிவித்தார்.