முச்சக்கரவண்டியுடன் பார ஊர்தி மோதி விபத்து

-எஸ்.சபேசன்

மட்டக்களப்பு, வெல்லாவெளி பொலிஸ் பிரிவுக்குட்பட்ட திக்கோடை பிரதான வீதியில் முச்சக்கரவண்டியும்  பார ஊர்தி மோதியததால்,  முச்சக்கரவண்டியின் சாரதியான திருநாவுக்கரசு யோகராசா  படுகாயமடைந்த நிலையில் களுவாஞ்சிக்குடி வைத்தியசாலையில் அனுமதிக்கப்பட்டுள்ளார்.

நேற்று புதன்கிழமை இடம்பெற்றுள்ள இந்த விபத்தின்போது,  
திக்கோடை பிரதான வீதியால் களுவாஞ்சிக்குடி நோக்கி வந்த முச்சக்கரவண்டியுடன் அதே திசையிலிருந்து வந்துகொண்டிருந்த  பார ஊர்தியும் ஒன்றையொன்று முந்திச்செல்ல முற்பட்ட வேளையில் இந்த விபத்து இடம்பெற்றுள்ளது.

இந்த விபத்து தொடர்பில் வெல்லாவெளி பொலிஸார் விசாரணைகளை மேற்கொண்டு வருகின்றனர்.