திண்மக்கழிவு முகாமைத்துவம் தொடர்பாக ஆராய குழு நியமனம்

-எம்.எஸ்.எம்.நூர்தீன்

காத்தான்குடி நகர சபை பிரிவில் திண்மக்கழிவு முகாமைத்துவம் தொடர்பாக ஆராயும் உயர் மட்டக்குழுவொன்று நேற்று திங்கட்கிழமை (29) நியமிக்கப்பட்டது.

காத்தான்குடி நகர சபை பிரிவில் திண்மக்கழிவு முகாமைத்துவம் தொடர்பாக எதிர்நோக்கும் பிரச்சினைகள் மற்றும் அது தொடர்பான விடயங்களை ஆராயும் விசேட கூட்டமொன்று காத்தான்குடி பிரதேச செயலக மண்டபத்தில் நேற்று நடைபெற்றது. இதன்போதே இக்குழு நியமிக்கப்பட்டுள்ளது.

காத்தான்குடி பிரதேச செயலாளர் எஸ்.எச்.முசம்மில் தலைமையில் நடைபெற்ற இக் கூட்டத்தில் காத்தான்குடி சுகாதார வைத்திய அதிகாரி; யு.எல்.நசிர்தீன் மற்றும்  காத்தான்குடி நகர சபை செயலாளர் ஜே.சர்வேஸ்வரன் ஆகியோர் கலந்துகொண்டனர்.