அதிபர் நியமன சர்ச்சை முடிவு

-ஏ.எச்.ஏ.ஹுஸைன்

மட்டக்களப்பு கல்வி வலயத்திலுள்ள பாடசாலையொன்றில் நிலவிய  அதிபர் நியமன சர்ச்சை முடிவுக்கு வந்துள்ளது.  இதை அடுத்து மாணவர்களுக்கும் ஆசிரியர்களுக்கும் பெற்றோரால் இனிப்பு வழங்கி இன்று வியாழக்கிழமை வகுப்புக்கள் ஆரம்பிக்கப்பட்டன.

இதேவேளை, இப்பாடசாலைக்கு புதிதாக நியமிக்கப்பட்ட அதிபருக்கு பிறிதொரு பாடசாலையில் நியமனம் வழங்கப்பட்டது.

இப்பாடசாலைக்கு திடீரென புதிய அதிபர் ஒருவர் நியமிக்கப்பட்டமைக்கு எதிர்ப்புத் தெரிவித்த பெற்றோரும் மாணவர்களும்,   ஏற்கெனவே  இப்பாடசாலையில் கடமையாற்றிவந்த அதிபரே வேண்டும் எனக் கோரி வகுப்புப் பகிஷ்கரிப்பில் ஈடுபட்டிருந்தனர்.

இந்த நிலையில், இப்பாடசாலைக்கு நேற்றுமுன்தினம் செவ்வாய்க்கிழமை  விஜயம் செய்த கிழக்கு மாகாண கல்விப் பணிப்பாளர் எம்.ரி.ஏ.நிஸாம்இ மட்டக்களப்பு வலயக் கல்விப் பணிப்பாளர் கே.பாஸ்கரன்;இ ஏறாவூர்ப்பற்று கோட்டக் கல்வி அதிகாரி எம்.பாலசுப்பிரமணியம் ஆகியோருக்கும்  பெற்றோருக்கும் இடையில்  கலந்துரையாடல் நடைபெற்றது. இதற்கமைய  இப்பாடசாலையில் ஏற்கெனவே கடமையாற்றிவந்த அதிபர் அதே பாடசாலையில் தொடர்ந்து கடமையாற்ற நடவடிக்கைகள் மேற்கொள்ளப்பட்டன.

இதனையடுத்து, மாணவர்களினால் முன்னெடுக்கப்பட்டுவந்த  வகுப்பு பகிஷ்கரிப்பு போராட்டம் கைவிடப்பட்டது.