சப்ரகமுவ பல்கலை மாணவர் சங்கங்களுக்கு தடை

(மொஹொமட் ஆஸிக்)

சப்ரகமுவ பல்கலைகழகத்தின் பிரதான மாணவர் சங்கம் உட்பட அனைத்து பீடங்களிலுமுள்ள மாணவர் சங்கங்களை தடைசெய்துள்ளதாக அப்பல்கலைக்கழக உபவேந்தர் மஹிந்த ரூபசிங்க தெரிவித்தார்.

மாணவர்கள் சட்ட திட்டங்களை மீறல், பல்கலைக்கழகத்தின் கௌரவத்திற்கு பங்கம் விளைவித்தல், பல்கலைக்கழகத்தின் நிர்வாகத்திற்கு தடையேற்படுத்தல் ஆகிய காரணங்களை முன்னிட்டே இத்தீர்மானத்தை எடுத்ததாகவும் அவர் கூறினார்.

இந்நிலையில், மாணவர்கள் கூட்டங்கள் கூடுவது. சுவரொட்டிகள் தயாரித்து ஒட்டுவது ஆகியன தண்டனைக்குரிய குற்றமாகுமெனவும் உபவேந்தர் தெரிவித்தார்.