அதிக விலைக்கு டீசல் விற்றவர் சிக்கினார்

ராமு தனராஜா

பசறை பொலிஸ் பிரிவிற்கு உட்பட்ட டெமேரியா பகுதியில் வாகனம் பழுதுபார்க்கும் இடமொன்றில், அதிக விலைக்கு டீசலை விற்றவர் கைதுசெய்யப்பட்டுள்ளார்.

பசறை பொலிஸாருக்கு   கிடைக்கப்பெற்ற இரகசிய தகவலையடுத்து குறித்த வாகனம் பழுதுபார்க்கும் இடத்தில் மேற்கொண்ட சுற்றிவளைப்பின் போதே, 40 வயதான சந்தேகநபர் கைதுசெய்யப்பட்டுள்ளார்.

அத்துடன், அவரிடமிருந்து 60 லீற்றர் டீசலையும் பொலிஸார் கைப்பற்றியுள்ளனர். 

சந்தேகநபரை 30ஆம்  திகதி பசறை   நீதிமன்றில்  ஆஜர் படுத்துவதற்கான நடவடிக்கைகளை பசறை பொலிஸார் மேற்கொண்டு வருகின்றனர்.