ஆற்றிலிருந்து பெண் சடலமாக மீட்பு

துவாரக்ஷன்

கிளாஸ்கோ - ஆகுரோவா தோட்டத்தின்  ஊடாக, மேல் கொத்தமலை நீர்த்தேக்கத்திற்கு நீர் ஏந்தும் ஆக்ரோயா  ஆற்றில் இருந்து சடலம்  ஒன்று மீட்கப்பட்டது.

 இவ்வாறு மீட்கப்பட்டவர் நான்கு பிள்ளைகளின் தாயான 63 வயதான அலமேலு ராஜம்மா என  பொலிஸார் அடையாளம் கண்டுள்ளனர்.

குறித்த பெண், இன்று காலை ஆறு மணி அளவில் வீட்டிலிருந்து மலசல கூடம்  சென்று வருவதாக கூறிவிட்டு வெளியில் சென்றுள்ளார். 

வெளியில் சென்றவர் வீடு திரும்பாத நிலையில், உறவினர்கள் தேடும் பணியில் ஈடுபட்டனர்.

இதன்போது ஆற்றில் இறந்த நிலையில் கிடப்பதை கண்டு  பொலிஸாருக்கு தகவல் வழங்கினர். இதனை அடுத்து பொலிஸார்சம்பவ இடத்திற்கு வருகை தந்து சடலத்தை மீட்டனர்.

குறித்த பெண் ஆற்றில் தவறி  விழுந்து இறந்துள்ளமை  விசாரணைகள் மூலம் தெரிய வந்துள்ளது.

 சடலம் பிரேத பரிசோதனைக்காக நுவரெலியா மாவட்ட வைத்தியசாலைக்கு கொண்டு செல்லப்பட உள்ளதாக அக்கரப்பத்தனை பொலிஸார் தெரிவித்தனர் .