இரு முச்சக்கரவண்டி மோதுண்டு விபத்து

திம்புள்ள பத்தனை பொலிஸ் பிரிவிற்குட்பட்ட ஹட்டன் நுவரெலியா பிரதான வீதியின் கொட்டகலை பகுதியில் இரண்டு முச்சக்கர வண்டிகள்  விபத்துக்குள்ளாகியுள்ளதாக திம்புள்ள பத்தனை பொலிஸார் தெரிவித்தனர். 

இந்த சம்பவம் வியாழக்கிழமை (14) மதியம் 01மணியளவில் இடம் பெற்றதாக பொலிஸார் மேலும் தெரிவித்தனர்.

கொட்டகையிலிருந்து  ஹட்டனை நோக்கி சென்ற இரண்டு முச்சக்கர வண்டிகளில் ஒரு முச்சக்கர வண்டியில் ஏற்பட்ட கோளாறு காரணமாக ஒரு முச்சக்கர வண்டியினை தள்ளிக்கொண்டு வளைவு ஒன்றை திருப்ப முற்பட்ட போது இரண்டுவண்டிகளும் மோதுண்டதில் முச்சக்கர வண்டிகளுக்கு சேதம் ஏற்பட்டுள்ளதாகவும் இந்த விபத்தில் எவருக்கும் எவ்வித காயங்களும் ஏற்படவில்லை என பொலிஸாரின் ஆரம்பக்கட்ட விசாரணைகளில் இருந்து தெரியவந்துள்ளது.

சம்பவம் தொடர்பில் மேலதிக விசாரணைகளை திம்புள்ள பத்தனைபொலிஸார் மேற்கொண்டு வருகின்றமை குறிப்பிடத்தக்கது.

எஸ் சதீஸ்