இலவச சட்டக் கருத்தரங்கு

டீ.சந்ரு

“இலங்கை சட்டத்தரணிகள் சங்கத்தால் ஒழுங்கு செய்யப்பட்டுள்ள 3ஆவது பிராந்திய சட்டக் கருத்தரங்கு, நுவரெலியா மாவட்ட செயலகக் கேட்போர் கூடத்தில், எதிர்வரும் 12,13ஆம் திகதிகளில் நடைபெறும்” என்று, நுவரெலியா மாவட்ட சட்டத்தரணிகள் சங்கத்தின் தலைவரும் முன்னாள் நாடாளுமன்ற உறுப்பினரும் சட்டத்தரணியுமான பெ.ராஜதுரை தெரிவித்தார்.

“இச்சட்டக் கருத்தரங்கில் நீதியரசர்கள், மாவட்ட நீதிபதிகள், நீதவான்கள், நுவரெலியா ஹட்டன், வலப்பனை, பதுளை, பண்டாரவளை, கம்பளை, நாவலப்பிட்டிய, மொனராகலை மற்றும் மஹியங்கனை போன்ற நீதிமன்றங்களில் பணிபுரியும் சுமார் 150க்கு மேற்பட்ட சட்டத்தரணிகள் ஆகியோர் கலந்துகொள்ளவுள்ளனர்” என்றும் அவர் கூறினார்.