ஊருக்கு ஒரு பிரதேச சபை; மக்களுக்கு அறிவுறுத்தல்

மொஹொமட் ஆஸிக்

அக்குறணை பிரதேச சபையின் தவிசாளர் இஸ்திஹார் இமாதுதீனின் ஆலோசனைக்கு அமைவாக, பிதேசசபை ஊடாக பெற்றுக்கொள்ளக் கூடிய சேவைகள் பற்றி மக்களுக்கு அறிவுறுத்தும் நிகழ்வு, அக்குறணை பெரிய பள்ளிவாயல் வளாகத்தில், சனிக்கிழமை (20) இடம்பெறவுள்ளது.

'ஊருக்கு ஒரு பிரதேச' சபை என்ற தலைப்பின் கீழ் நடைபெறவுள்ள இந் நிகழ்வில், பிரதேச சபையின் சேவைகள் தொடர்பில் மக்களுக்கு விளக்கமளிக்கப்படவுள்ளது.

பிரதேச சபையால் வழங்கப்படும் சேவைகள் பற்றி மக்கள் தெளிவற்றுள்ளனர் என்று தெரிவித்த தவிசாளர் இஸ்திஹார் இமாதுதீன், பிரதேச சபைக்கு இருக்கும் சட்ட அதிகாரங்கள் பற்றியும் தெளிவுபடுத்தும் நோக்குடன், இந்நிகழ்வு ஏற்பாடு செய்யப்பட்டுள்ளதாக தெரிவித்தார்.

சனிக்கிழமை காலை 8.30 மணிமுதல் பகல் 12.30 மணிவரை, அக்குறணை புளுகொஹொதென்ன பெரிய பள்ளிவாயல் வளாகத்தில் இந்நிகழ்வு இடம்பெறும் என்றும் துறை சார்ந்தவர்கள இது தொடர்பாக விளக்கமளிக்க உள்ளனர் என்றும், அக்குறணை பிரதேச சபையின் தவிசாளர் இஸ்திஹார் இமாதுதீன் மேலும் தெரிவித்தார்.