கசிப்பு உற்பத்தியில் ஈடுபட்ட நால்வர் மடக்கிப் பிடிப்பு

ஹப்புத்தளை - தங்கமலை தோட்டத்தில், கசிப்பு உற்பத்தி, விற்பனையில் ஈடுபட்டு வந்த நால்வரை, ஹப்புத்தளை பொலிஸார், இன்று (19) கைது செய்துள்ளனர்.  

பொலிஸாருக்குக் கிடைக்கப்பெற்ற இரகசியத் தக​வலையடுத்து மேற்கொள்ளப்பட்ட திடீர் சுற்றிவளைப்பின் பின்னரே, இந்த நால்வரும் கைது செய்யப்பட்டுள்ளனர்.  

இதன்போது, பீப்பாய்களில் நிரப்பப்பட்டிருந்த கசிப்பு, தயாரிப்புக்காக பயன்படுத்தும் மூலப்பொருள்கள், உபகரணங்கள் போன்றவற்றையும், பொலிஸார் மீட்டுள்ளனர்.  

இந்தச் சுற்றிவளைப்பின் போது, அங்கிருந்து தப்பியோட முயன்ற நால்வர் மடக்கிப் பிடிக்கப்பட்டனர் என்றும் 3 இலட்சத்து 84 ஆயிரம் ரூபாய் பெறுமதியான பொருள்களே, இதன்போது மீட்கப்பட்டதாகவும் தெரிவித்த பொலிஸார், இது தொடர்புடைய மேலதிக விசாரணைகளை முன்னெடுத்து வருகின்றனர்.