கயிறிழுத்தவர் மரணம்

மாத்தளை, வில்கமுவ அமுனுயாய பிரதேசத்தில் நடைபெற்ற புதுவருட விளையாட்டுப் போட்டியின்போது, கயிறிழுத்தல் போட்டியில் பங்கேற்ற 43 வயது நபரொருவர், திடீர் சுகயீனமுற்ற நிலையில் உயிரிழந்துள்ளதாக, மாத்தளை பொலிஸார் தெரிவித்தனர்.

பல்வேறுப் போட்டிகளில் பங்கேற்ற மேற்படி நபர், இறுதியாக கயிறிழுத்தல் போட்டியிலும் பங்கேற்றுள்ளார்.

கயிறிழுத்துக் கொண்டிருந்தபோது திடீர் சுகயீனமுற்ற இவரை, வில்கமுவ வைத்தியசாலையில் அனுமதித்தப்போதிலும் அவர் சிகிச்சைப் பலனின்றி உயிரழந்ததாக, வைத்தியசாலை வட்டாரங்கள் தெரிவித்தன.

மாரடைப்பினாலேயே இம் மரணம் சம்பவித்துள்ளதாக பிரேத பரிசோதனை அறிக்கையில் தெரியவந்துள்ளது.