கால்வாய்க்கு அருகிலிருந்து சிசு மீட்பு; பெண் கைது

மொனராகலை, ரகலவத்த பிரதேசத்திலுள்ள கால்வாய்க்கு அருகிலிருந்து, பிறந்து ஒரு நாளேயான சிசுவை மீட்டுள்ள பொலிஸார், சிசுவின் தாயென கருதப்படும் 29 வயது பெண்ணையும், நேற்றுக் கைதுசெய்துள்ளனர்.

மொனராகலை, மரகல தோட்டத்தைச் சேர்ந்த பெண்ணொருவரே, இவ்வாறு கைதுசெய்யப்பட்டுள்ளார்.

எறும்புகள் உடலில் மொய்த்துக்கொண்டிருந்த நிலையிலேயே, சிசு மீட்கப்பட்டுள்ளதென்றும் சிகிச்சைக்காக மொனராகலை வைத்தியசாலையில் அனுமதிக்கப்பட்டுள்ளதென்றும் பொலிஸார் தெரிவித்தனர்.

இச்சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.