கூரைத் தகடுகள் மாயமாகின

செ.தி பெருமாள்

மஸ்கெலியா பொலிஸ் பிரிவுக்குட்பட்ட – சாமிமலை டீசைட் தோட்டத்தில் அமைக்கப்பட்டுவரும் தனி வீட்டு திட்டத்தின் கூரைத் தகடுகள் களவாடப்பட்டுள்ளதாக நேற்று முன்தினம் (18)  மஸ்கெலிய பொலிஸ் நிலையத்தில் முறைப்பாடு  செய்யப்பட்டுள்ளது.

அவ்வழியே தொழிலுக்கு சென்ற தொழிலாளர்கள் குறித்த வீட்டின் கூரைகள் கழற்றப்பட்டுள்ளதை கண்டு , தோட்ட நிர்வாகத்திற்கு அறிவித்துள்ளனர்.

இதனை தொடர்ந்து தோட்ட நிர்வாகத்தால் மஸ்கெலிய பொலிஸ் நிலையத்தில் முறைப்பாடு செய்யப்பட்டுள்ளது .

குறித்த தனிவீட்டுத் திட்டம் முழுமையாக நிறைவடையாமல் கைவிடப்பட்டுள்ளமையால் பொருட்களும் சூறையாடப்பட்டு வருவதாக  பயனாளிகள் தெரிவிக்கின்றனர்.

எனவே, சம்பந்தப்பட்ட அதிகாரிகள் உடன் நடவடிக்கை எடுத்து இந்த குடியிருப்புக்களை முழுமைப்படுத்தி உரியவர்களிடம் ஒப்படைக்க வேண்டும் என கோரிக்கை விடுக்கின்றனர்.