குளத்தில் குளிக்கச்சென்ற சிறுவன் மாயம்

வெலிமடை பொலிஸ்பிரிவுக்குட்பட்ட பிராவத்தை பகுதியிலுள்ள மாதன்ன குளத்துக்கு குளிக்கச் சென்ற 17 வயதான சிறுவனொருவன் காணாமற் போயுள்ளதாகவும் அவரைத் தேடிவருவதாகவும் வெலிமடை பொலிஸார் தெரிவித்தனர்.

பாணந்துறை அறபிக் கல்லூரியில் கற்கும் தெஹிவளை பிரதேசத்தைச் சேர்ந்த குறித்த சிறுவன்> வெலிமடையிலுள்ள உறவினர் வீட்டுக்குச் சென்றபோதே குறித்த குளத்தில் குளிக்கச்சென்றபோது நீரில் முழ்கி காணாமற்போயுள்ளதாக பொலிஸார் தெரிவித்தனர்.

இவருடன் குளிக்கச்சென்ற இன்னொருவர் உயிர் தப்பியுள்ளதாகவும் இது தொடர்பில் விசாரணைகளை மேற்கொண்டுவருவதாகவும் பொலிஸார் தெரிவித்தனர்.