கோவிலில் திருட்டு

-சுஜிதா

லிந்துலை பொலிஸ் பிரிவுக்குட்பட்ட வளஹா பகுதியில் அமைந்துள்ள ஸ்ரீ பத்தர காலியம்மன் கோவிலில்  இருந்த விநாயகர் சிலையும் முருகன் சிலையும் திருடப்பட்டுள்ளதாக தெரிவிக்கப்படுகிறது.

இச்சம்பவம் இன்று அதிகாலை நடந்திருக்க கூடும் என சந்தேகிக்கப்படுகிறது.

திருட்டு சம்பவம் தொடர்பில் பிரதேச மக்கள் பொலிஸாருக்கு வழங்கிய தகவலை தொடர்ந்து, இன்று மாலை குறித்த இடத்துக்கு விரைந்த லிந்துலை பொலிஸார் விசாரணைகளை மேற்கொண்டு வருவதாக தெரிவித்தனர்.

இதேவேளை, முருகன் சிலைக்கு அணிவிக்கப்பட்டிருந்த பட்டு, கோவில் அமைந்துள்ள இடத்திலிருந்து சுமார் 1 கிலோமீற்றர் தூரத்தில் உள்ள வீதியோரத்தில் இருந்து கண்டெடுக்கப்பட்டதாக பிரதேச மக்கள் தெரிவித்தனர்.