தேசிய துக்கதினத்திலும் திறந்து மூடப்பட்டது

-ரஞ்சித் ராஜபக்ஷ 

சமூக நீதிக்கான மக்கள் இயக்கத்தின் மறைந்த தலைவர் மாதுலுவாவே சோபித்த தேரரின் இறுதிக் கிரியைகளையொட்டி இன்று வியாழக்கிழமை (12) தேசிய துக்க தினம் பிரகடனப்படுத்தப்பட்டிருந்தது. 

நாட்டிலுள்ள அனைத்து மதுபான விற்பனை நிலையங்களையும் இறைச்சி விற்பனை நிலையங்களையும் மூடும்படி அரசாங்கத் தகவல் திணைக்களம் அறிவித்திருந்தது. 

எனினும், ஹட்டன் பஸ் நிலையத்துக்கு அருகாமையில் கடற்றொழில், நீரியல் வளங்கள் அபிவிருத்தி அமைச்சின் கீழ் இயங்கும் இலங்கை கடற்றொழில் கூட்டுத்தாபன மீன் வியாபார நிலையத்தில் மீன் விற்பனை காலை முதல் நண்பகல் வரை இடம்பெற்றது.

இது தொடர்பாக உரிமையாளரிடம்  வினவிய போது, இலங்கை கடற்றொழில் கூட்டுத்தாபன தலைமையகத்தில் தனக்கு திறந்து வியாபாரம் செய்யும்படி உத்திரவிடப்பட்டதன் காரணமாகவே தான் திறந்து வியாபாரம் செய்ததாக அவர் தெரிவித்தார்.