நோர்வூட் விபத்தில் ஒருவர் காயம்

ஹட்டன்-மஸ்கெலியா பிரதான வீதி, நோர்வூட் பகுதியில் பாடசாலை பேருந்தொன்றும் மோட்டார் சைக்கிளும் மோதியதில் மோட்டார் சைக்கிள் ஓட்டுநர் காயமடைந்துள்ளதாக நோர்வூட் பொலிஸார் தெரிவித்தனர்.

இச் சம்பவம் வியாழக்கிழமை (25)  காலை 7.30 மணியளவில் நோர்வூட் பொலிஸ் பிரிவிற்குட்பட்ட  நோர்வூட் கல்வல பகுதியில் இடம்பெற்றுள்ளது.

மஸ்கெலியாவில் இருந்து ஹட்டன் நோக்கிச் சென்ற பாடசாலை பேருந்தும் ஹட்டனில் இருந்து நோர்வூட் நோக்கிச் சென்ற மோட்டார் சைக்கிளுமே இவ்வாறு விபத்துக்குள்ளானது.

அப்பகுதியில் பெய்த கனமழை மற்றும் வழுக்கும் வீதி காரணமாக மோட்டார் சைக்கிளின் தடை  செயலிழந்து சறுக்கி விழுந்ததே விபத்துக்கான காரணம் என பொலிஸார் தெரிவித்தனர்.

மோட்டார் சைக்கிள் ஓட்டுநர் சிறு காயங்களுடன் டிக்கோயா மாவட்ட  வைத்தியசாலையில் அனுமதிக்கப்பட்டுள்ளார்.

விபத்து தொடர்பான மேலதிக விசாரணைகளை  நோர்வூட் பொலிஸார் மேற்கொண்டு வருகின்றனர்.

ராமசந்திரன்