பசறையில் மேலும் இரண்டு தொற்றாளர்கள் இனங்காணப்பட்டனர்

பசறை - டெமேரியா, கோணக்கலை காவத்தைப் பகுதிகளில், மேலும் இரு தொற்றாளர்கள், நேற்று முன்தினம் (29) இனங்காணப்பட்டுள்ளனர்.

கொழும்பிலிருந்து வருகை தந்த 34 பேர், பிசிஆர் பரிசோதனைக்கு உட்படுத்தப்பட்ட நிலையில், அதன் முடிவுகள் நேற்று (29) கிடைக்கப்பெற்ற போதே, இரு தொற்றாளர்கள் இனங்காணப்பட்டுள்ளனர்.

மேற்படி இருவரும் தனிமைப்படுத்தல் சிகிச்சை நிலையத்துக்கு அழைத்துச் செல்லப்பட்டுள்ள நிலையில், அவர்களுடன் தொடர்பைப் பேணியவர்கள் தனிமைப்படுத்தப்பட்டுள்ளனர் என்று, பிரதேசத்துக்குப் பொறுப்பான பொதுசுகாதார பரிசோதகர் வீ.இராஜதுரை தெரிவித்தார்.