பசுவுக்கு வர்ணம் பூசியவர் கைது

பசுவொன்றை திருடி அதன் நிறத்தை மாற்றி இறைச்சிக் கடைக்கு விற்பனை செய்த இளைஞனை, மொனராகலை பொலிஸார் கைதுசெய்துள்ளதுள்ளனர்.

இவ்வாறு இறைச்சிக்காக விற்ப​னை செய்யப்பட்ட பசு, மொனராகலை - பக்கினிகாவெல பிரதேசத்திலுள்ள இறைச்சிக்கடையொன்றிலிருந்து மீட்கப்பட்டுள்ளது.

வௌ்ளை நிறத்திலான பசுவொன்றுக்கே, கறுப்பு நிற வர்ணங்கள் பூசப்பட்டுள்ளன என்றும் தன்னுடைய பசுவைக் காணவில்லை என்று, பசுவின் உரிமையாளர் பொலிஸ் நிலையத்தில் முறையிட்டுள்ளார்.

இந்நிலையில், பசுவின் உரிமையாளருக்குக் கிடைக்கப்பெற்ற தகவலையடுத்து, இறைச்சிக்கடைக்கு சென்ற உரிமையாளர், தன்னுடை பசு நிறந்தீட்டப்பட்டு விற்பனை செய்யப்பட்டுள்ளதை அறிந்து, பொலிஸாருக்கு அறிவித்துள்ளார். இதையடுத்தே, சந்தேக நபர் கைது செய்யப்பட்டார்.