பதில் முதலமைச்சராக ராமேஸ்வரன்

எஸ்.சதிஸ், ஆ.ராமேஸ்,  டி.சந்ரு

மத்திய மாகாணத்தின் பதில் முதலமைச்சராக, மாகாண அமைச்சர் எம்.ராமேஸ்வரன், இன்று முதல் செயற்பட்டு வருகிறார்.

ஐக்கிய நாடுகள் பொதுச் சபையின் 73ஆவது அமர்வில் பங்கேற்பதற்காக, ஜனாதிபதி மைத்திரிபால சிறிசேன தலைமையிலான குழுவினருடன், மத்திய மாகாண முதலமைச்சர் சரத் ஏக்கநாயக்கவும் ஐக்கிய அமெரிக்காவுக்குப் பயணமாகியுள்ளதால், மாகாண அமைச்சர் எம்.ராமேஸ்வரன், பதில் முதலமைச்சராகக் கடமையாற்றவுள்ளார்.

மத்திய மாகாண சாகித்திய விழாவில் அதிதியாகக் கலந்துகொண்டிருந்த மாகாண முதலமைச்சர் சரத் ஏக்கநாயக்க, இவ்வறிவித்தலை விடுத்துச் சென்றமை குறிப்பிடத்தக்கது.