பதுளை மாவட்டத்தில் சீரற்ற வானிலை; இயல்பு வாழ்க்கைப் பாதிப்பு

நடராஜா மலர்வேந்தன்

பதுளை மாவட்டத்தில் கடந்த ஒருவார காலமாக நீடித்துவரும் சீரற்ற வானிலை காரணமாக, மக்களின் இயல்புவாழ்க்கை வெகுவாகப் பாதிக்கப்பட்டுள்ளது. 

இம்மாவட்டத்தில் கடும் மழை பெய்துவருவதுடன் பனிமூட்டமும் அதிகரித்து, கடும் குளிருடனான வானிலை நிலவி வருவதாகத் தெரிவிக்கப்படுகிறது.
சீரற்ற வானிலை காரணமாக பிரதான வீதிகளில் மண்சரிவு அபாயம் நிலவுவதால், மிகுந்த அவதானத்துடன் வாகனங்களை செலுத்துமாறு வாகன சாரதிகளுக்குப் பொலிஸார் அறிவுறுத்தியுள்ளனர். 

குறிப்பாக லுணுகலை - பிபிலை பிரதான வீதி,  பசறை - நமுனுகுல வீதி, எல்ல - வெல்லவாய வீதி, மடுல்சீமை - பிட்டமாறுவ பிரதான வீதி போன்றவற்றில் மரங்கள், கற்கள் வீதிகளில் சரிந்துவிழும் அபாயம் நிலவுவதாக அனர்த்த முகாமைத்துவ நிலையம் தெரிவித்துள்ளது. 

அத்துடன் அதிக பனிமூட்டமும் பாதை வழுக்கல் தன்மையுடனும் காணப்படுவதால் பதுளை - பண்டாரவளை - ஹப்புத்தளை ஊடான கொழும்பு பிரதான வீதியில் பயணிக்கும் வாகன சாரதிகள் மிகுந்த அவதானத்துடன் வாகனங்களைச் செலுத்துமாறு பொலிஸார் அறிவுறுத்தியுள்ளனர்.