பெண் மீது துஷ்பிரயோக முயற்சி சந்தேகநபருக்கு கடூழிய சிறை

-சி.எம். ரிஃபாத்

கலேவெல,  மொரக்கொல்ல பிரதேசத்தில், பெண்ணொருவரை துஷ்பிரயோகத்துக்கு உட்படுத்த முயன்ற நபருக்கு, தம்புளை நீதவான் நீதிமன்ற நீதவான் சஞ்சீவ ரம்யசிறி,  புதன்கிழமை (26) ஒன்பது மாத கடூழிய சிறைத்தண்டனை விதித்துள்ளார்.

பெண் வீட்டில் தனியாக இருந்த போது, அத்துமீறி வீட்டுக்குள் நுழைந்து துஷ்பரயோகத்துக்கு உட்படுத்த முயன்றார் என மேற்படி நபர் மீது முறைப்பாடு செய்யப்பட்டுள்ளது.

இந்நிலையில், சந்தேக நபரை நீதிமன்றத்தில் ஆஜர்படுத்தியதையடுத்து, வீட்டுக்குள் அத்துமீறி நுழைந்தமை மற்றும் தனிமையில் இருந்த பெண்ணை துஷ்பிரயோகத்துக்குட்படுத்த முயன்றமை ஆகிய இரு குற்றச்சாட்டுகளும் நிருபிக்கப்பட்டமைக்கு இணங்க மேற்படி சந்தேக நபருக்கு 9 ஆண்டுகள் கடூழிய சிறைத்தண்டனை விதித்து நீதவான் உத்தரவிட்டுள்ளார்.