மட்டுக்கலைத் தோட்டத்தில் கரப்பந்தாட்ட மைதானம்

ஆ.ரமேஸ், பி.சிவா

நுவரெலியா பிரதேச சபையின் அபிவிருத்தித் திட்டத்தின் கீழ், 12 இலட்சம் ரூபாய் செலவில், மட்டுக்கலைத் தோட்டத்தில், கரப்பந்தாட்ட மைதானம் அமைக்கப்படவுள்ளது.

மேற்படித் தோட்டத்தில், கரப்பந்தாட்ட மைதானத்தை அமைத்துத் தருமாறுக் கோரி, பிரதேச இளைஞர், யுவதிகள் மற்றும் தோட்டத் தலைவர்கள், நுவரெலியா பிரதேச சபை உறுப்பினர்கள், தொழிற்சங்கப் பிரதிநிதிகளுடன் பேச்சுவார்த்தையில் ஈடுபட்டுள்ளனர்.

இதற்கமைவாக, கரப்பந்தாட்ட மைதானத்தை அமைப்பதற்கானக் காணியை, தோட்ட அதிகாரி வழங்கியுள்ளார்.
இவ்வாறு வழங்கப்பட்டுள்ள காணியிலேயே, கரப்பந்தாட்ட மைதானம் அமைக்கப்படவுள்ளது.

இதற்கான அடிக்கல் நாட்டும் நிகழ்வு, நேற்று (6)  நடைபெற்றது. இந்நிகழ்வில், நுவரெலியா பிரதேச சபைத் தவிசாளர் வேலு யோகராஜ், தோட்ட அதிகாரிகள், பிரதேச சபை உறுப்பினர்கள் மற்றும் தொழிற்சங்கப் பிரதிநிதிகள் எனப் பலரும் கலந்துகொண்டனர்.