மண்சரிவால் பாதிக்கப்பட்டவர்களுக்கு 2 வாரங்களில் வீடு

ரஞ்சித் ராஜபக்ஸ

மழையுடனான வானிலையால் மண்சரிவு அபாயத்தை எதிர்நோக்கியுள்ள, நிலங்கள் தாழிறங்கியுள்ள பெருந்தோட்டத் தொழிலாளர்களுக்கு இரண்டு வாரங்களில் தகுந்த இடத்தில் புதிய வீடுகளை அமைக்க நடவடிக்கை எடுக்கவுள்ளதாக மலைநாட்டு புதிய கிராமங்கள், உட்கட்டமைப்பு வசதிகள் மற்றும் சமூக அபிவிருத்தி அமைச்சருமான பி. திகாம்பரம் தெரிவித்துள்ளார்.

நுவரெலியா மாவட்டத்தில் மண்சரிவால் பாதிக்கப்பட்டுள்ள தலவாக்கலை, நோர்வூட், ஹட்டன் மற்றும் மஸ்கெலியா பகுதிகளுக்கு இன்று கண்காணிப்பு விஜயத்தை மேற்கொண்டப் போதே அமைச்சர் இதனைத் தெரிவித்துள்ளார்.

அத்துடன்  மழையால் வீடுகளை இழந்தவர்கள் தொடர்பான அறிக்கைகளை உடனடியாகப் பெற்று குறித்த மக்களுக்கு மிக விரைவில் வீடுகளை அமைக்க நடவடிக்​கை எடுப்பதாகவும் அமைச்சர் இதன்போது குறிப்பிட்டுள்ளார்.