மண்சரிவு: போக்குவரத்துக்கு இடையூறு

-ரஞ்சித் ராஜபக்ஷ

ஹட்டன் பொகவந்தலாவை பிரதான வீதி, ஹட்டன் எம்.ஆர் நகர பகுதியில் இன்று பிற்பகல் 4 மணியளவில் ஏற்பட்ட சிறியளவிலான மண்சரிவு காரணமாக  அவ்வீதியூடான போக்குவரத்துக்கு இடையூறு ஏற்பட்டுள்ளதாக பொலிஸார் தெரிவித்தனர்.
 
இதேவேளை ஹட்டன்-கொழும்பு பிரதான வீதியிலும் ஹட்டன் நுவரெலியா பிரதான வீதியிலும் மண்சரிவு ஏற்பட வாய்ப்புள்ளதாகவும் வீதி வழுக்கள் தன்மையில் காணப்படுவதால் வாகன சாரதிகள் மிகுந்த அவதானத்துடன் வாகனத்தை செலுத்துமாறும் பொலிஸார் கோரியுள்ளனர்.
 
பிரதான வீதிகளில் அதிக பனிமூட்டம் காணப்படுவதன் காரணமாக வாகனத்தின் முன் விளக்கை ஒளிரவிட்டு செல்லுமாறு பொலிஸார் மேலும் கோரினர்.