மழையால் மீனாட்சி தோட்டத்தில் லயக்குடியிருப்புக்கு சேதம்

இரா.யோகேசன்

நேற்று (27) மாலை வட்டவளை பகுதியில் பெய்த கடும் மழை காரணமாக, மீனாட்சி தோட்ட லயக்குடியிருப்பு ஒன்று மண்சரிவு எச்சரிக்கைக்கு உள்ளாகியுள்ளது.

5 ம் இலக்க லயக் குடியிருப்பில் மண்சரிவு ஏற்பட்டுள்ளதுடன்,  வீடொன்றும் பகுதியளவில் சேதமடைந்துள்ளது.

அத்துடன் வீட்டில் வசித்த இருவர் காயமடைந்து, வட்டவளை வைத்தியசாலையில் சிகிச்சைப் பெற்று வருகின்றனர்.

மேலும் வட்டவளை- தியகல தோட்டத்தில் பாடசாலைக்குச்  செல்லும் வீதியின் குறுக்கே மரம் வீழ்ந்துள்ளதால் குறித்த பாதையுடாக செல்லும் மாணவர்கள், ஆசிரியர்கள் மற்றும் பொது மக்கள் அசௌகரியங்களுக்கு உள்ளானர்கள்.

மரத்தை அகற்றும் நடவடிக்கை தோட்ட நிர்வாகத்தினூடாக முன்னெடுக்கப்படுகின்றது.