மொனராகலையில் சிக்கிய கைகழுவும் திரவங்கள்

சுமணசிறி குணதிலக

மொனராகல நகரிலுள்ள வர்த்தக நிலையமொன்றில், பதிவு செய்யப்படாத நிலையில்,
களஞ்சியப்படுத்தப்பட்டிருந்த 1,50,000 ரூபாய் பெறுமதியான கைக்கழுவும் திரவங்கள் நுகர்வார் அதிகார சபையின் மொனராகல மாவட்ட அதிகாரிகளால் கைப்பற்றப்பட்டுள்ளன.

2021ஆம் ஆண்டு ஏப்ரல் மாதம் முதலாம் திகதியிலிருந்து அமுலாகும் வகையில், 2003 இலக்கம் 9
என்ற நுகர்வோர் அலுவல்கள் தொடர்பான 10 (1) ஆ (11) உறுப்புரையின் கீழ், நுகர்வோர்
அதிகார சபைக்குப் பகிரப்பட்டுள்ள அதிகாரங்களுக்கு அமைய, இச் சுற்றிவளைப்பு
முன்னெடுக்கப்பட்டு, குறித்த பொருள்கள் கைப்பற்றப்பட்டுள்ளன.