மொனராகலை விபுலானந்தா த.ம.வி. தேசிய பாடசாலையாக தரமுயர்வு

ஜயகுமார் ஷான்

மொனராகலை கல்வி வலயத்தில் அமைந்துள்ள  விபுலானந்தா தமிழ் மகா வித்தியாலயம் தேசிய பாடசாலையாக தரமுயர்த்தப்பட்டுள்ளது. மொனராகலை தமிழ் கல்வி வரலாற்றிலே இப்பாடசாலையே முதன்முறையாக தேசிய பாடசாலையாக அரசாங்கத்தால் உள்வாங்கப்பட்டுள்ளது.

 ஆரம்பகாலத்தில் தோட்டப்பாடசாலையாக இருந்து பிறகு அரசாங்கத்தால் உள்வாங்கப்பட்டு இன்று தேசிய பாடசாலையெனும் விருட்சமாக வளர்ந்துள்ளது என்பது குறிப்பிடத்தக்கது.

ஆரம்ப காலத்தில் இப் பாடசாலையின் அதிபராக பாலசுப்பிரமனியம் கடமையாற்றினார். தற்போது பாடசாலையின் அதிபராக  யோகேஸ்வரன் கடமையாற்றுகின்றமை  குறிப்பிடத்தக்கது.