முச்சக்கரவண்டி விபத்தில் நால்வர் படுகாயம்

கு.புஷ்பராஜா

நானுஓயா  நாவலர் பாடசாலைக்கு திங்கட்கிழமை (12), முன்பள்ளி மாணவர்களை ஏற்றிச்சென்ற முச்சக்கரவண்டி,  20 அடி பள்ளத்தில் விழுந்து விபத்துக்குள்ளானதில்  நால்வர் படுகாயமடைந்துள்ளதாக பொலிஸார் தெரிவித்தனர்.

இம்முச்சக்கர வண்டியில் 7 மாணவர்கள் பயணித்துள்ளதுடன் இவர்களில் நால்வர் காயமடைந்த நிலையில் நுவரெலியா வைத்தியசாலையில் அனுமதிக்கப்பட்டுள்ளதுடன்; ஏனையவர்கள் காயமின்றி தப்பியுள்ளதாகவும் பொலிஸார் கூறினர்.

வண்டியின் சாரதியை பொலிஸார் கைதுசெய்து விசாரணைகளை மேற்கொண்டு வருகின்றனர்.