​ ரதல்ல விபத்தில் மூவருக்கு காயம்

டி.சந்ரு

நானுஓயா- ரதல்ல குறுக்கு வீதியில்  ஓட்டோவொன்று விபத்துக்குள்ளானதில் மூவர் பலத்த  காயமடைந்து நுவரெலியா மாவட்ட பொது வைத்தியசாலையில் அனுமதிக்கப்பட்டுள்ளனர்.

இவ்விபத்து நேற்று (14) இரவு 7 மணியளவில் இடம்பெற்றுள்ளது.

நுவரெலியாவில் இருந்து நானுஓயா- ரதல்ல குறுக்கு  வீதியூடாக தலவாக்கலையை நோக்கி சென்று கொண்டிருந்த ஓட்டோவொன்று,  சாரதியின் கட்டுப்பாட்டையிழந்து வீதியை விட்டு விலகி விபத்துக்குள்ளாகியுள்ளது.

கடந்த மாதம் 20ஆம் திகதி விபத்தொன்று இடம்பெற்று ஏழு​ பேர் உயிரிழந்த இடத்திலேயே இந்த விபத்தும் இடம்பெற்றுள்ளது.

 இவ் விபத்தில் ஓட்டோவில் பயணித்த மூன்று ஆண்கள் பலத்த  காயமடைந்த நிலையில் நுவரெலியா மாவட்ட பொது  வைத்தியசாலைக்கு கொண்டு செல்லப்பட்டனர்.

விபத்து தொடர்பில்  நானுஓயா  போக்குவரத்து பொலிஸார் மேலதிக விசாரணைகளை முன்னெடுத்து வருகின்றனர்.